Na gredit ket ennin, ma mignon
Ne za genin netra gwirion
Kaer ‘po goulenn, me nac’ho krenn
Ha neoazh eo ar c’hontrel zo da gompren
Gete emañ ar gwir
D’am fallentez, netra ne vir
Ne jaojan ket doc’h ho fiziañs
Nend eus ennin nemet droukrañs
Kuzh eo ma zorfed
Keuz am eus berped
Mes ‘bedin ket d’ho tigarez na d’ho pardon
Keit ha ma chomo karantez ennoc’h ‘vidon
An eil ‘deus ket dober ag egile
Aveit padiñ a vlez da vlez
Skeudenn gant Ben Turnbull, emb. Unsplash