Kalficherien a bep gouenn, savit ho mouezh !
Ha n’eo ket chom izel ho penn gant ar vezh.
Kalficherien a bep liv, kanit ho ton !
A-drugarez deoc’h ‘vo bliv ‘n amzer da zont.
Kalficherien a bep renk, brallit ho kloc’h,
Na pa ve enk ho lec’h ganeoc’h !
Kalficherien a bep bro, kerzhit sonn !
N’eo ket ni a broduo ‘vit o c’hont !
Kalficherien a bep stumm, bevit divall !
Ho tever a rumm da rumm eo hunvreal !
Kalficherien a bep oad, dalc’hit-c’hwi krenn !
Hor gwir da galfichat a rankomp difenn !
Skeudenn gant Kinga Cichewicz, emb. Unsplash