Kenseurted, amied,
Den ne gare klevet.
Ar vugale, bouzar.
Diseblant e dud kar.
Ne dalve ket ar boan
Chom da sutal er vann.
Steuziet e oa ar c’hoant.
Ha setu tamm-ha-tamm
Kollet e notennoù,
Ankouaet e sonennoù,
Mouget e sorc’hennoù.
Beuzet en e zaeroù,
Tavet eo ar c’haner.
Erru ‘oa skuizh e vouezh
É kanal en aner,
E don manet difrouezh.
Ha didrouz ar maner.
Skeudenn gant Oscar Keys, emb. Unsplash