Ur varzhoneg gant Donald James Dolby, embannet en e zastumad Can’t See The Wood… (emb. Griffonnier, 2015) ha renket e brezhoneg ganin. En destennig-mañ ez eo taolennet kaer an dro-spered zo ganin ivez ha pa skrivan. E traoñ ar bajenn, ar stumm orin e saozneg. Evit gouiet hiroc’h e kinnigan deoc’h lenn ar bilhed N’on ket barzh war ar blog.
Barzhonegoù a skrivan evit reiñ tro d’ar gerioù zo peg ouzh beg ma zead
Da redek war beg ma fluenn ha ma c’hreionoù koad.
Skriv a ran evit embann ur santimant a c’houlenn groñs bout distaget
Evel un daolenn livet ouzh ma empenn, mennet da vout eztaolet
Kent dezhi steuziañ ken aes ha tra mintin abred
Ha mont da goll dre milendall ma soñjoù luziet.
Kalon a dennan ivez, gwech ha gwech all, diouzh nerzh ma fluenn
Evit derc’hel da vont a zeiz da zeiz, uhel ma fenn
Ur mousc’hoarzh a zeu din a-wezhioù zoken, ha kement all d’am lennerien, michañs
Pezh zo sur, avat, e kavan aesoc’h kouchañ barzhonegoù diouzh ma c’hoant
Pa n’on ket fur a-walc’h da skrivañ ur romant.
Donald James Dolby, miz Mae 2012
———
Why do I write poetry?
I write poetry because it gives a chance for words to flow
From my pens and pencil which could never pass my lips.
I write because my feelings insist that they are aired
Painting pictures in my mind wrestling to be free
From my early morning meanderings
Which so easily float away.
I write because it sometimes gives to me
The strength to face tomorrow
It can also make me smile and hopefully others too
But most of all I write my poems, it’s the route I took
Because I’ve never had the patience to write a full-length book.
Donald James Dolby, May 2012
Skeudenn gant Andraz Lazic, emb. Unsplash